囍慶之年 之 寶貝朋友娶老婆

我有一個很好的朋友: 男孩子, 1980年, 天神人, 觀瑪人...

這個男孩子在我中二中三那年跟我混熟,

從那時起我們就無所不談...

(懶找相,這是hard disk內的最舊照 :p)

小時候我們住得近, 幾乎每天見面聯絡,

後來大家中六轉校後每朝一起搭巴士番學,

在巴士上談無聊事訓覺溫功課...

再後來我跑到英國留學,

雖不至每天要通電話上網談天,

但每當有不快, 要找人聊天都會是他~

畢業回來後, 他已經搬了,而且還當上了忙到嘔電的核數師,

但我們還是會三兩個月豪吃一次~

近幾年大家都忙得很, 忙工作忙進修忙拍拖,

結果一年可能才見一兩次,

但每次都會是8點吃飯, 傾到12點還要意猶未盡的趕車回家...

一年前這個baby friend就一早約好我3月13日要出席他的婚禮,

千叮萬囑我那天務必要穿靚靚出席~

可恨我當天要上中一二三的課,

是那堆愚不可教的死o靚仔令我miss了大半個wedding lunch...

他的wedding ceremony在跑馬地聖馬加利大教堂舉行~

其他人的婚禮, 我都會坐在朋友堆中隱閉參與,

但今次, 我就快手快腳跑到走廊座位,

因為我要以最接近姿態去support那個緊張到呆了的好友~

ceremony完後便等等等, 等那個拍照的機會 :D 等到咀也鬆了~

這個男孩子是最早懂得欣賞我的手作子的,

所以他的wedding gift也是一份手工,

等我~ 我行動中~ 哈哈 :D

現在我不單只愛你, 我還愛你的martin :D

李國華, 我祝你幸福!

----------------------------------------------------------

同場加映: 這兩個人仔, 襯左黎架?

囍慶之年 之 嫁個幼稚園好同學比阿sam

我們在德信幼稚園入讀K2,

然後幼稚園畢業後一起直升到德望小學,

學能測驗過後, 便順理成章再直升到德望中學...

這個同學跟我的學習背景在入大學之前根本是一樣的~

印象中我們在小學中學未試過同班,

但幼稚園的兩年我們可是最親的同學~

這個女孩子小時候就會抱不平為大家出頭...

其實不怎記得實際的bb事,

但我卻很肯定她是我在幼稚園裡其中一個最要好的朋友~

婚宴在二月二十六日舉行,

但早於一年前, 這個女孩子就在facebook邀請我要出席她的囍宴,

一年前就約我, 無可能找到藉口推掉, 所以便應約了~

收到囍帖時, 我還在想無聊的事:

她的德望同學是理科生, 我的德望同學是文科生,

那我坐下來一整晚會悶壞我嘛?

但原來到了那天, 我還是期望出席的~

想到一個和我一樣在四歲那年, 一起穿著白色肚突突的德信校裙,

到今天我有機會看著她穿上嫁衣, 原來都會有一點感動的~

誰在四歲時可有想過你的兒時玩伴會看著大家長大出嫁?

有幸代表當年1985年K2班的所有同學出席你的婚禮~

陳凱欣, 祝你幸福~

邪骹手 之 大功告成

上個禮拜的事了~

隔左個星期六日一,

其實個骹都已經郁得番哂,

但姨丈話星期二覆診, 咁覆就覆啦~

起初我以為應該都係睇下個手骹,

扭下fing下就走得,

所以著tee去,

完全無諗過要敷藥....

點知..........

今次敷的藥無咁大pat,

所以姨丈用第二款膠紙幫我痴住佢...

meet出黎個下, 堅料囉~~~~~

meet到背脊有兩塊皮無左, 損左~

可憐的我~

現在我的手已100%好番,

大家請勿liu交打,

我怕打死你地~

澳門十趣

一趣

因為有人補領了新身份證,

於是再一次申請自助登記...

條"隊"一粒一人無,

結果唔駛三分鐘攪掂。

二趣

入金莎坐在電子大細機前...

買了50大, 10十二點, 10十三點...

開~ 12點大!!!!!!!!!

以為下注70, 實質700...

所以派彩$1700...

雖然中左, 但已驚至標屎~

三趣

驚至標屎後為定驚,

四出在金莎找橙汁飲~

一共飲了三杯橙汁一杯可樂。

多謝哂~

四趣

晚上到ryan推介的船屋餐廳。

等了十分鐘就分配到座位了。

點了煮辣蜆, 起初想只有幾隻,

誰不知最後黎左一煲,

由頭吃到尾都仲有~

五趣

到十六浦浦一浦,

走入賭場, 見到有番灘...

即係無線所有民初片發財埋便個d,

一堆圍棋咁四粒四粒一份,

要買中個餘數係乜。

好多阿伯玩, 我地呆企睇左好耐好耐~

六趣

在每隔一個舖位就出現的鉅記不停試食...

我最愛$68廿件的鳯凰卷,

但好貴, 所以不停試食~

結果夾手夾腳在不同距記食左一盒, 耶~

最後食到乜都食唔落~

七趣

雖然話乜都食唔落,

結果行行下, 唔知去左邊,

又食左個超滑豆腐花~

八趣

兩日一夜旅程住新世紀,

晚上又磨沙又按摩,

朝早洗個面又敷mask屎。

一個getaway, d面膚靚哂滑哂~

九趣

試過由澳門碼頭行到大三巴,

原來只需15分鐘!

結果除左來回氹仔,

去邊度都行... 澳門原來真係細到邊度都行得到去~

十趣

我叉哂電插好哂sd咭,

諗住去度扮下港女影下相...

點知..................................

就剩係影左呢個blog既呢幾張相...

趣趣趣~

膊頭唔痛... 格甩底痛~

pig park左第一次之後,

昨天再一次去pig park多一次...

今趟很奇怪:

膊頭的手骹不痛了,

痛的是格肋底..............................

因為今次的步驚雲做型加大了...

是伸連至格肋底的:

於是每動一下都有扯痛,

卸膊時, 那些陰肉更甚難受!

媽媽為我卸膊後就幫我抆屎,

一路抹就不停強調藥膏與屎的相同............

去姨丈處敷孳的好處,

除了自己人落力d又不用付錢外,

就是阿e無任歡迎的送我山渣餅~

"咕碌"個骹

話說尋日私疑右手膊頭甩骹,

於是唯有到姨丈處扭下佢啪下佢...

由於太淆底的關係,便捉埋媽咪出去壯膽,

但扭扭時, 佢個樣仲驚過我, 乜料?

以為拍戲咁啪一聲托番個手骹上去,

然後我大叫一聲就ok...

點知原來係姨丈幫我打圈圈,

打打下... 咕碌一聲碌番啱個位...

扭完啪完, 包到步驚雲個膊頭咁...

然後跟媽咪到處行下街, 過盡富婆的生活!

先到the one行下食lunch

然後到海運買下化妝品,

再到1881襯下

最後去埋翠華食下午茶飲紅豆冰作結...

(加映: 我嬌俏的阿媽)

----------------------------

今晚番到屋企就卸膊...

由步驚雲...

變成sexy babe :D

明天繼續去pig leg park lark!

神秘甩骹(尚未確診)

今日如常訓到熱頭曬籮pat...

本來尋晚發姣發凳校左電話7點半,

ipod8點半9點既鬧鐘,

諗住可以早d起身做下野,

點知.....................

一點鐘醒一醒,

兩點鐘完全清醒...

咦? 隻手好痛!

打圈圈好似有少少障礙,

伸直都係有障礙。

噢撈! 唔通太爛訓, 個身又太肥"窄"親?

媽咪話個骹好似甩左!? 聽日要睇醫生!

好驚死~

---------------------

anyway,

今日十點工作完畢,

單拖到翠華吃個夠。

雖然單拖, 但仍堅持order冬陰公豬軟骨魚皮頭米線, 另加油菜...

但由於一個人, 所以無得叫豬仔包,

肥mui有所遺憾。

無限邊爐無限fun

從前幾多錢的工作, 我都串串咀咁話: 我唔過海~

今天我無牙力架喇~

算~ 受人錢財替人消災...

係都要我頂既, 我頂囉... 我頂你呀~

咁過左海, 無理由即刻11.9番番九龍架,

唯有食番餐勁既...

而最勁既食一餐行動, 莫過於任食邊爐~

精明師奶仔計算下夾下價,

結果放棄厚愛的138小肥羊

去試下新星的88蚊加呢加路任飲任邊爐...

慶幸今個冬天有一隻鐵腳跟我打邊爐,

由cheap雞大家樂到豪華小肥羊,

由官塘食到上深圳,

由九點口唔停咁食到十二點...

我實在太難再搵到鐵腳如此如此~

雖未至於點食都唔會肥既身型,

但好在阿爸阿媽生成我食好多先肥少少...

以我既食量, 肥成呢個樣, 應該係理所當然的!

kawai ne des~

利是馬拉蟲

小時候, 初十五才可以offically拆利是。

所以初十五前就偷拆偷睇...
然後經過多年經驗, 我清楚明白到:

老豆老母阿e姨丈的是100蚊雞,
各款公司的老細開工利是都係100蚊雞,
聖堂周圍乞討回來的大部份是10蚊兜,
學生家長等睇我面色的大致是20至50蚊,
大部份random得黎的都是大概20蚊左右...

因為經驗, 長大後唔駛偷睇lu,
但有時懷疑對方是否送我cheap雞利是,
我都會硬破, 然後都是那些反應:
小, 十蚊雞... / 小, 得個廿蚊... 等...

今年無乜拜年, 只是番教堂R了少少游水,
向d已為人妻的同學朋友搶劫了一點利是...
換黎都係: 收埋今年, 你要派利是喇喎...
然後我心想: 你真係以為你講一句我就唔豆你封利是呀?

今年過了初十五還有進賬:
多謝初十六收到, ryan媽媽的利是,
還有阿e, 姨丈, bonnie姐姐和florence欠我的利是。(寫下來, 防走數)

anyway, 今年拆左已收的利是: 港幣1340元正。多謝各位人妻。

攪笑人生

寫blog，因為... 我的人生實是笑料。完。